غزل
زندگی کی سنہری سی اِک شام تھی راستے میں ملی اور جُدا ہو گئی
اب سیہ رات کی اِک کہانی بچی جو ہمارے لئے بد دعا ہو گئی
اپنی آنکھوں کو دیوار پر ٹانک کر چہرے سارے ہی چپکے سے رخصت ہوئے
آئینے اپنے چارو طرف دیکھ کر روشنی جنگلوں کی صدا ہو گئی
ہم چلے جب سفر پر تو رستے کئی سوندھی مٹی کی خوشبو اُڑانے لگے
گاؤں آنکھوں میں یوں آکے اپنا بسا دھوپ ساون کی ٹھنڈی ہوا ہو گئی
ہم شفق سے بھرا سرخ رُو آسماں زرد سرسوں کے پھولوں کو کیا دے گئے
زرد چہروں کا ہر خواب رنگیں ہوا ہر طرف اِک سنہری فضا ہو گئی
لذّتِ خود کلامی کا عادی تھا میں، آہٹوں نے مگر مجھ کو دھوکا دیا
دَر کھُلا میری آواز رخصت ہوئی گھر کی دیوار مجھ سے خفا ہو گئی
اپنے آنگن کے ننھے سے پودے جو تھے دیکھتے دیکھتے سب جواں ہو گئے
یوں گئی رُت کے سینے سے اُبھری ہوئی ہر نئی سی کلی دِلرُبا ہو گئی
راشد فضلی
 |
| Urdu Ghazal by Rashid Fazli |
ग़ज़ल
ज़िन्दगी की सुनहरी सी इक शाम थी रास्ते में मिली और जुदा हो गई
अब सियह रात की इक कहानी बची जो हमारे लिये बद-दुआ हो गई
अपनी आँखों को दीवार पर टाँक कर चेहरे सारे ही चुपके से रुख़सत हुए
आईने अपने चारो तरफ देख कर रौशनी जंगलों की सदा हो गई
हम चले जब सफ़र पर तो रस्ते कई सोंधी मिट्टी की खुशबू उड़ाने लगे
गाँव आँखों में यूँ आ के अपना बसा धूप सावन की ठंडी हवा हो गई
लज़्ज़ते ख़ुद कलामी का आदी था मैं, आहटों ने मगर मुझको धोका दिया
दर खुला मेरी आवाज़ रुख़सत हुई घर की दीवार मुझसे खफ़ा हो गई
राशिद फ़ज़ली
 |
| A Ghazal by Rashid Fazli |
