Ghazal : Hotey Hain Aaj Kal Zara Ahle Wafa Bhi Kam

Ghazal - Rashid Fazli

غزل

ہوتے   ہیں   آج  کل  ذرا   اہلِ   وفا   بھی   کم
ایک دوسرے  سے  کرتے  ہیں  اپنا گِلا بھی کم

یوں  اپنے  اپنے  درد  میں   دونوں  اُداس  ہیں
رِشتوں میں عاشقی کے  ہے  رسمِ وفا بھی کم

کِن   راستوں   پہ   لائی  ہے   آوارگی  مُجھے
گھر سے  نہ ہو سکا  مِرا  رِشتہ  ذرا  بھی کم

دیوانگئ  شوق  تھی   جِس  کے   لئے   مِری
دشتِ جنوں میں آج  ہے اُس کی صَدا بھی کم

فُرصت بھی کم مِلی مجھے غیروں کے درد سے
یوں زندگی گزر گئی  خود سے  مِلا بھی  کم

دل  کو  دُکھاتے رہتے  ہیں  ہر موڑ  پر  وہی
ہوتی نہیں ہے جِن سے  مُحبّت  ذرا  بھی کم

~:~
راشد فضلی

______________Find Rashid Fazli on Facebook.______________

 
ग़ज़ल

होते हैं आज कल ज़रा अहले-वफ़ा भी कम
एक दूसरे से करते हैं अपना गिला भी कम

यूँ अपने अपने दर्द में दोनों उदास हैं
रिश्तों में आशिक़ी के है रस्मे-वफ़ा भी कम

किन रास्तों पे लाई है आवारगी मुझे
घर से न हो सका मेरा रिश्ता ज़रा भी कम

फ़ुरसत भी कम मिली मुझे ग़ैरों के दर्द से
यूँ ज़िन्दगी गुज़र गई ख़ुद से मिला भी कम

दिल को दुखाते रहते हैं हर मोड़ पर वही
होती नहीं है जिनसे मुहब्बत ज़रा भी कम

राशिद फ़ज़ली

A Ghazal by Rashid Fazli