Ghazal : Mai Kho Chuka Hu Apni Muhabbat Ka Aitebar

غزل

 
میں کھو چکُا ہوں اپنی محبت کا اعتبار
دیکھے وہ اپنی آنکھ سے ہے اِس کا اِنتظار

ہر آئنے پہ چھایا ہے دودِ رواں کا عکس
دیکھوں کہاں میں اپنے خیالوں کا سبزہ زار

لے کے اُڑا ہے شاخ سے پتوں کی ٹولیاں
یوں گُنگُنا رہا ہے ہواؤں کا آبشار

کیوں دے رہا ہے شعروں میں لفظوں سے اک فریب
جو دل میں تیرے ہے اُسے بھی تو تُو پکار

دیکھا نہیں ہے آنکھوں سے محسوس تو کیا
کرنا پڑا یوں اُس کے بھی ہونے کا اعتبار

جو ہر فریبِ زیست کے جسموں کو ڈھک گیا
اُس زر نگار خواب کے کپڑے نہ تُو اُتار

ہم آتشِ فریب سے جل کر ہوئے ہیں راکھ
رکھ دے ہماری خاک میں چاہت کا اِک شرار

بہروپ تیرا آئینۂ جاں میں آ بسا
اب روپ مرے سامنے کوئی نہ اور دھار

~ راشد فضلی

A Ghazal by Rashid Fazli

ग़ज़ल

मैं खो चुका हूँ अपनी मुहब्बत का ऐतेबार
देखे वह अपनी आँख से है इसका इंतेज़ार

ले के उड़ा है शाख़ से पत्तों की टोलियाँ
यूँ गुनगुना रहा है हवाओं का आबशार

क्यों दे रहा है शेरों में लफ़्ज़ों से इक फ़रेब
जो दिल में तेरे है उसे भी तो तू पुकार

देखा नहीं है आँखों से महसूस तो किया
करना पड़ा यूँ उसके भी होने का ऐतेबार

हम आतिशे-फ़रेब से जल कर हुये हैं राख
रख दे हमारी ख़ाक में चाहत का इक शरार

~ राशिद फ़ज़ली

A Ghazal by Rashid Fazli