Tarhi Ghazal : Hazaar Lamhon Ka Ek Lamha Dabaa Ke Aahat Guzar Gya Woh

Tarhi Ghazal by Rashid Fazli

طرحی غزل

ہزار لمحوں کا ایک لمحہ دبا کے آہٹ گزر گیا وہ
نئی جہت کا سراغ دے کر فصیلِ جاں پہ بکھر گیا وہ

سنہرے خوابوں کی جستجو میں جو زندگی بھر بھٹک رہا تھا
بس ایک پل میں ہزاروں دامن سنہرے پھولوں سے بھر گیا وہ

دھنک جو پھولی تو تازہ چہرہ کسی کا آنکھوں میں آ سمایا
شفیق رنگوں میں یادیں دے کر نہ جانے کب کا بکھر گیا وہ

سنہرے خوابوں کی آرزوئیں پیاسی آنکھوں کی داستانیں
ہنوز باقی ہیں شب کی خاطر لٹا کے یوں جام گھر گیا وہ

شبوں کا منظر دُھواں دُھواں تھا خیال بھی کچھ رُکا رُکا تھا
جمود آنکھوں کا توڑ ڈالا اِدھر سے آیا اُدھر گیا وہ

خزاں رسیدہ سے زرد پتے کسی کی آہٹ کے منتظر تھے
بہاریں لوٹیں خزاں کی جانب بہار لے کر جدھر گیا وہ

نہیں تھا ممکن کہ اَپنی آنکھوں کے اِن جزیروں میں قید کرتا
طلسمِ ہوش و رُبا تھا شاید گماں کی حد سے گزر گیا وہ

راشد فضلی

Find Rashid Fazli on Facebook.

Ghazal : Mai Iss Ghar Mey Jangal Ugta Dekh Raha HuN

A Ghazal by Rashid Fazli

غزل

میں اِس گھر میں جنگل اُگتا دیکھ رہاہوں
ویرانی کا بڑھتا دریا ۔ دیکھ رہا ہوں بے

سائے ہیں گھر کے چہرے گھر کے لوگ
دیواروں پر سایا سایا دیکھ رہا ہوں

آئینوں میں کچھ تصویریں دھندلی یادیں
اِن آنکھوں میں کس کو مرتا دیکھ رہا ہوں

پچھلے برس تو تیری یادیں ساتھ رہیں
اَب کے برس میں خود کو تنہا  دیکھ رہا ہوں

اَپنی نظر میں  بے چہرے ہیں سارے عکس
آئینوں میں تیرے جیسا دیکھ  رہا ہوں  

یہ دن بھی آخر آنکھوں  نے دکھا دیا
دھوپ  میں جلتا سایا اَپنا دیکھ رہا ہوں

تجھ سے بچھڑ کر اِن راہوں میں یہ بھی ہوا
رستہ چلتے ایک اِک چہرہ دیکھ رہا ہوں

راشد فضلی

______________________________________

ग़ज़ल

मैं इस घर में जंगल उगता देख रहा हूँ
वीरानी का बढ़ता दरिया – देख रहा हूँ

बे-साये हैं घर के चेहरे घर के लोग
दीवारों पर साया साया देख रहा हूँ

पिछले बरस तो तेरी यादें साथ रहीं
अबके बरस मैं ख़ुद को तन्हा देख रहा हूँ

यह दिन भी आख़िर आँखों ने दिखा दिया
धूप में जलता साया अपना देख रहा हूँ

तुझ से बिछड़ कर इन राहों में यह भी हुआ
रस्ता चलते एक इक चेहरा देख रहा हूँ

राशिद फ़ज़ली

A Ghazal by Rashid Fazli